Карл Орлеанский (Charles d’Orléans) (1394-1465)
французский феодал и военачальник, член королевского дома Валуа, один из самых выдающихся поэтов Франции

Стихотворение
«Des nouvelles d’Albion»
на французском языке

    Orléans à Bourgogne.

     Des nouvelles d’Albion
S’il vous en plaist escouter,
Mon frère et mon compaignon,
Sachez qu’à mon retourner,
J’ay esté, deça la mer,
Receu à joyeuse chiere.
Et a fait le Roy passer,
En bons termes, ma matiere.
     Je doy estre une saison
Eslargi pour pourchasser
La paix aussi ma raençon ;
Se je puis seurté trouver
Pour aler et retourner,
Il fault qu’en haste la quiere,
Se je vueil brief achever,
En bons termes, ma matiere.
     Or, gentil Duc Bourgongnon,
De ce cop vueilliez m’aydier,
Comme mon intencion
Est vous servir et amer,
Tant que vif pourray durer.
En vous ay fiance entiere,
Que m’ayderez à finer,
En bons termes, ma matiere.

           ENVOI.

     Mes amis fault esprouver
S’ilz vouldront à ma priere
Me secourir pour mener,
En bons termes, ma matiere.

1. Puis ça, puis la
2. Songe en complainte
3. Ballade 2 (Je meurs de soif, en cousté la fontaine)
4. Ballades sur plusieurs sujets. Ballade 2
5. Dedens mon Livre de Pensee

Количество обращений к стихотворению: 208

Последние стихотворения