Маргарита Наваррская (Marguerite de Navarre) (1492-1549)
французская принцесса, сестра короля Франциска I, одна из первых женщин-писательниц во Франции

Стихотворение
«Le Miroir de l’âme pécheresse»
на французском языке

Si vous lisez ceste œuvre toute entiere,
Arrestez vous, sans plus, à la matiere,
En excusant la rhythme et le langage,
Voyant que cest d'une femme l'ouvrage,
Qui n'a en soy science, ne sçavoir,
Fors un desir, que chacun puisse voir
Que fait le don de DIEU le Createur,
Quand il luy plaist justifier un cœur :
Quel est le cœur d'un homme, quant à soy,
Avant qu'il ayt receu le don de Foy,
Par lequel seul l'homme a la congnoissance
De la Bonté, Sapience et Puissance.
Et aussi tost qu'il congnoit Verité,
Son cœur est plein d'Amour et Charité
Ainsi bruslant, perd toute vaine crainte,
Et fermement espere en DIEU sans feinte.
Ainsi le don que liberalement
Le Createur donne au commencement
N'ha nul repos, qu'il n'ayt dëifié
Celuy qui s'est par Foy en DIEU fié.

O l'heureux don, qui fait l'homme DIEU estre,
Et posseder son tant desirable Estre.
Helas ! jamais nul ne le peult entendre,
Si par ce don n'a pleu a DIEU le prendre.
Et grand'raison ha celuy d'en douter,
Si DIEU au cœur ne luy a fait gouster.

Mais vous, Lecteurs de bonne conscience,
Je vous requiers, prenez la patience
Lire du tout ceste œuvre qui n'est rien,
Et n'en prenez seulement que le bien.
Mais priez DIEU, plein de bonté naïve,
Qu'en vostre cœur il plante la Foy vive. 

1. Mon seul Sauveur, que vous pourrais-je dire ?
2. Un ami vif vint à la dame morte
3. Elle m'a dit : Par refus ou tourment
4. Pensées de la reine de navarre

Количество обращений к стихотворению: 219

Последние стихотворения